Tulaan ni Manay Kaday- Tagalog/Bicol

Lahat ng kilos at galaw
Iisipin ng iba laging nangingibabaw
Maraming kailangang patunayan at hingin
Tama o mali man ang gawin

Maraming mata ang nakatingin
Nakasilip sa lahat ng iyong susunod na gagawin
Oh, teka lang hinay-hinay
Baka makaligtaan at wala kang maisumpay

Ngayon ko lang napagtanto
nakakapagod pala maging tao
Parating may kailangang isakripisyo
Minsan naiisip ko, masarap kaya maging bato?

Ang totoo hindi talaga pantay ang mundo
maging sa pagtingin ng mga tao
nakalalamang ang mga hindi nagpapatalo
daig ang mga walang kibo

Sa mundong puro panghuhusga
mga matang laging may puna
hindi ba kayo nagsasawa?
tingnan naman ninyo ang iba

Sa ilang taon na nabubuhay ako
walang ibang nais kundi masayang mundo
walang kailangan ipaliwanag at patunayan
nakapapagod lalo wala kang takbuhan

Bili na lang ako ng sarili kong mundo
Isang mundo na naiintindihan ako
Mundong walang sumbat at pagkabigo
Saan kaya mayroon nito ?

Maikli lamang ang buhay,
Piliin mo ang magpapasaya saiyo😊