Mandhal ali shar pti

عظیم باپ کا بیٹا ابراہیم
ابراہیم حذیفہ کحلوت عظیم قائد کا زندہ بچ جانے والا فرزند ہے۔ نام ابراہیم۔ اسی کے نام ان کی کنیت ابو ابراہیم تھی۔ چھوٹا بچہ ہے۔ لیکن اسے اپنے ابا کی شہادت کا علم تھا۔ لیکن اس عمر میں بھی اتنے سمجھدار کہ سوشل میڈیا استعمال کرنے کے باوجود ابا کی وفات کے بارے میں مکمل خامشی۔ آج اس معصوم نے جگر پاش نوحہ لکھا ہے۔ جس کی سرخی قرآن کی آیت:

یا لیتنی کنت معهم فأفوز فوزًا عظیمًا…
یعنی کاش، میں بھی ان کے ساتھ ہوتا تو کامیابی و کامرانی مقدر ٹھہرتی۔
میری والدہ، اسراء غسان جبر "ام ابراہیم" شہید
میرے والد، حذیفہ سمیر الکحلوت "ابو ابراہیم" شہید
میری بہنیں، لیان الکحلوت اور منة اللہ الکحلوت دونوں شہید
میرا بھائی، یمان الکحلوت شہید
ایک میں ہی بچ گیا ان کے فراق میں تڑپنے کو
بمباری کے وقت ہم سب کے درمیان صرف چند میٹر کا فاصلہ تھا…
میں اپنے بھائی یمان کے ساتھ چپک کر کھڑا تھا،
اور وہ شہید ہوا، ہاتھ میں میرا ہاتھ تھامے ہوئے
لیکن اللہ نے میری زندگی مقدر فرمائی
کیونکہ اللہ ہر چیز پر غالب ہے
حالانکہ اکثر لوگ یہ نہیں جانتے
میں الفاظ تلاش کرتا رہا
میں کیسے بیان کروں اپنے والد کو؟
دنیا کی کسی لغت میں ایسے الفاظ نہیں ہیں، جو میرے والد شہید کے اوصاف کو اپنے اندر سما سکیں۔

اللہ نے اپنے مؤمن بندوں سے ان کی جانیں اور اموال خرید لیے، وعدہ ہے بدلے میں جنت کا…
تو کیا ممکن ہے کہ میرے والد، ابو ابراہیم، شہید نہ ہوں؟
آپ سب پہلے جا چکے، میرے والد…
اور ہم، ان شاء اللہ، آپ کے پیچھے چلیں گے
اللہ ہر چیز پر غالب ہے
لیکن اکثر لوگ یہ نہیں جانتے۔

اور دنیا والو! میرے والد تمہیں پکارتے رہے، مگر تم سب خاموش رہے، یاد رکھو! قیامت کے دن تمہارا گریباں ہوگا اور میرے والد ابو ابراہیم کے ہاتھ۔
💔

یہ تھے ابُو عُـبَـیـدَہ…
وہ جبالیا کے مہاجر کیمپ کا بیٹا تھا، خیموں کی بستی کا فرزند
جسے دنیا چھو کر بھی نہیں گزری تھی، اسے جہان فانی سے اتنا ہی واسطہ تھا جتنا اس کی کمر سیدھی رکھنے کے لیے کافی ہو
اور زادِ راہ میں اتنا ہی اٹھائے پھرتا تھا جو اسے اللہ تک پہنچا دے
جبالیا کے لوگ اسے اچھی طرح جانتے تھے، مگر آج عصر تک خاموش تھے، ابھی ساری زبانیں گواہی دے رہیں کہ ہمارا سپوت سراپا پاکیزگی تھا، ایسی پاکیزگی جس نے ظاہر سے پہلے باطن کو صاف کر لیا ہو
وہ زاہد تھا، یوں لگتا تھا جیسے دنیا اس کے قریب سے گزرتی ہے
مگر اس کے دل میں کہیں ٹھہرتی نہیں
وہ عابد تھا، وہ پرہیزگار تھا، لفظ بولنے سے پہلے اسے تولتا تھا،
قدم اٹھانے سے پہلے اس کا وزن جانچتا تھا
قرآن اس کے ہاتھ کا ساتھی تھا، ذکر اس کے سینے کا مونس،
اور پہلی صف اس کی دائمی قرار گاہ۔ نماز میں بھی جہاد میں بھی صف اول
گویا وہ جانتا تھا کہ جو اللہ کی طرف سبقت لے جائے اللہ اسے قبولیت میں سبقت عطا فرما دیتا ہے
اس نے کبھی پہچان بننے کی کوشش نہیں کی، کبھی نمایاں ہونے کی خواہش نہیں رکھی، لیکن جب اللہ کسی بندے سے محبت کرتا ہے
تو اسے لوگوں کو وہاں دکھا دیتا ہے جہاں وہ خود دکھائی دینا نہیں چاہتا
اس کا ذکر وہاں بلند کر دیتا ہے جہاں وہ خود بلندی کا طالب نہیں ہوتا،
اور اس کے لیے دلوں میں ایسی محبت ڈال دیتا ہے جس کی کوئی ظاہری وجہ نہیں ہوتی
اور یہی وہ راز ہے، نہ آواز میں، نہ تصویر میں، نہ نام میں، بلکہ اس دل میں جو اللہ کے ساتھ زندہ رہا، تو اللہ نے اسے مخلوق کے دلوں میں زندہ کر دیا۔
دنیا بھر کی مائیں ایسے فرزند جنم دینے سے قاصر ہیں۔
رونے والوں کو ایسے ابطال پر رونا چاہیے۔