Oosh healthy hair

مساء الخير يا حلوييين😍الليله حليت مشكلتين مهمات في شعرنا وهم الهيشان والانبات🔥🔥🔥💃🏻
اولا نبدأ بالنبات بوسطة تونك النعناع بشرط انو ما يكون بري حنجيب 6-7عيدان نعناع بي صفقها فريش او مجفف عادي ونكب عليهم مويه مغليه ونغطيهم كويس الى ان يبردو ونختهم في بخاخ ونعملو ع الفروه
فوائده:
(يعالج الثعلبه- والصلع الوراثي- امن للحوامل والي المقبلين ع الحمل -والاطفال -ع عكس الروزماري ما يطلع شيب- يلطف رائحه الفروه الكريهه)
علاج الهيشان بواسطة الثلج
في وعاء نضع كميه مناسبه من الثلج لا كتيره ولا قليله بحيث نستحملها ونعكس شعرنا للامام ونضعه في الثلج ونخليهو كم دقيقه ونحاول نضع في فروتنا من المويه بيدنا ومن الامام مقدمة الشعر بحيث انو يوصل الشعر كلو
فوائده:
(يقلل الهيشان-يحافظ ع ترطيب الشعر فتره طويله -يزيد من لمعه الشعر -مع الاستمرار يقوي الشعر-يفرد الشعر مع الحفاظ ع شكل التجاعيد(الكيرلي)-يحمي من الحراره )
يعالج (التقصف -الهيشان -الحبوب والتصبقات بالنسبه للبشره -القشره والدهون الزائده في فروة الرأس -الفطريات في فروة الرأس )

يلا جيتكم بالمفيييد كتيييير مننا بشتكي من الهيشان ومن الشعر بعد ما نرطبو برضو بكون باااهت ماف لمعه 😪💔!
😍العلاج التلج يخواني بعد نغسل شعرنا ويجي وقت الترطيب قبل نرطب نجيب وعاء فيهو مويه وتلج بي كميه مناسبه ونحاول ندخل شعرنا في المويه ونخليهو دقايق ونطلعو ونعمل العمليه دي على كل الشعر ونجففو ونخت الكريم المناسب لشعرنا🥰

مييينالبستخدم البونيه طول اليوم ويقعد بالشور كاب فتره طويله❌❌❌❌😢!
حبيباتي وحشتووووني يلا معلومه جديده ما ممكن نستخدم طاقيه الرأس فتره طويله ابدا قصدي بفتره يعني ننوم بيه ونصحى بيها غلللط دا بيخلي ريحه شعرنا تبقى كرييهه وبسبب قشره وحكه الافضل نلبسها ساعات معينه مثلا وقت حمام الكريم او كم ساعه في اليوم تزيح هيشان الشعر والافضل نوفر كيس مخده ساتان للنوم🤍🙏

مساء الخير حبيباتي الليله حأتكلم ليكم عن حاجه مهمه شديد لو انتي حابه تطولي شعرك بسرعه:
اولا تقشير الفروه علشان تكون صحيه وبتتنفس وتتقبل اي ماسك تختيهو فيها وتستفيد منو نجيب سكر ونخت فيهو زيت مناسب او بن خشن شويه يكون ما عليهو بهارات ندلك بيهم الفروه كويس بلطف علشان ما يعمل خدوش بعدها نغسل الشعر ولو عندنا طين هندي او طين احمر نعمل بيهو تنقيه للفروه من الزيوت او كلاميل لوشن ونغسلو
نجي تاني لي حاجه رهيبه وسريعه للتطويل الانفرجين ميثود اللي هي بتعمل على وصول الدم للرأس بالتالي بتزيد من طول الشعر وكثافته حقيقي سحر عديل الحاجه دي🦋😭💙

مساء الخير نهاية اسبوع سعيده حبيباتي💃🏻
الشعر ما بيبطل ينمو طول ما نحنا عايشين بس باتباع الخطوات التاليه:
١-اختيار مستحضرات عنايه مناسبه لنوع شعرك
٢-النوم بطريقه صحيه ما تقل عن ٦ساعات
٣-اخد الزنك بطريقه كافيه للجسم
٤-تسريحه مريحه وغير مشدوده
٥-ترطيب الشعر بكريمات مناسبه لسبيبة شعرنا
٦-اذا الشعر محتاج قص اطراف
٧-تناول البروتين بكميه مناسبه
٨-العنايه بفروة الراس علشان تكون نضيفه ورطبه
#علشان تتعرفي على الحاجات دي بتفاصيل انضمي لينا🦋💙

مساء الخير يا حلوات حابه اشاركم طاقه حبي لي شعري الافريقي يخوانا احساس حلو انك تكون بتحب حاجه فيك بكل تفاصيلها قصير طويل ناعم خشن اسود او بني او اي شكل وحاله هو فيها وتتقبلو وتبدا تعتني بيهو وتحسسو انو شي مهم مش انا زهجت منك وكرهتني وما عايز تطول 😒💔حبو شعركم يخوانا علشان تبدو تشوفوهو بتصلح ❤️😍لا حتى في التسريح اتعامل معاهو بلطف ابدا اسلك من الاطراف لي فوق براااحه براحه واحاول اني ما اطلع شعر كتير ☺️❤️يلا كل واحده توريني بتستخدم اي مشط بسرعه؟!🤔نفتح باب الصدمات💔🥹

مساء الخير حبيباتي اليوم حاتكلم ليكم عن طريقة غسل الشعر الصحيحه 😌
اولا لازم تعرفي تختاري نوع الشامبو المناسب لشعرك يا حلوه
ثانيا تخففي الشامبو بمويه علشان يصل الفروه وينظفها مظبوط
ثالثا تغسلي الشعر بمويه معتدله اقرب للبارده ويستحسن بارده
رابعا استخدام بلسم مناسب لنوعيه شعرك
💙🦋

مساء الخير حبيباتي اول خطوه في العنايه بالشعر لازم نعرف طبيعة شعرنا هي شنو علشان نقدر نحدد البنفع معانا والبضرنا وبنعرفه بطريقه اختبار المساميه الموضحة في الصوره دي يلا كلنا نقوم نعمل الاختبار وكل واحده توريني نوع مساميتها 🦋

حبيباتي الحلوات جهزو لي نفسكم لي بداية الاسبوع🦋💃🏻