R & T for natural products

اي واحدة عندها مشكلة #مفاصل تجيني في البوست ده هنا عندي ليكم خلطة صيدلانية نتيجتها مضمونة 100٪ من اول مسحة او تالت مسحة بالكتييير مفاصلك ح تبدأ تقشر وخلال اسبوع مفاصلك ح تفتح وح تتخلصي من حاجة اسمها مفاصل تماماً ولو مفاصلك عنيدة شوية ممكن تأخد معاك اكتر من اسبوع بس الأكيد انه مع ح تختفي ح تختفي😌👌
وزي م قلت ليكم الخلطة صيدلانيه معمولة بعناية تااامة✅ م صباعات بتاعت فسخ للناس البتخاف من الحاجات دي❌ كل العليك تلتزمي بالتعليمات وبعد كده لو م لقيتي نتيجة قروشك ترجع ليك زي ما هي بكل حب واحترام🤗
الخلطة دي تبع شركة منتجات صيدلانية اسمها عندهم تراكيب لحل كل مشاكل البشرة نتائجها رهيبة رهيبة رهيبة بالأخص ناس البشرة الدهنية والمليانة حبوب وملتهبة 😍 وخلطات ترطيب فظيعة وسيروم خطير بمعني الكلمة 🤤 والأحلى من كده ح يكون في دكتورة متابعة معاك خطوة بخطوة لحدي م تصلي للنتيجة الانتي عايزها ح يصلك رقمها اول م تستلمي طلبك 😍😍😍
ومبدئياً كده انا ح أكون مندوبة لناس شندي وبحري 💗 ومتوفر حالياً عندي خلطة المفاصل فقط ⁦🙅🏻‍♀️⁩ باقي المنتجات لسه م وصلتني أول م تصلني بعلن ليكم عنها إن شاءالله 💋 والمنتجات دي كلها ع ضمانتي وزي م قلت ليكم فوق لو م ادتك نتيجة ح نرجع ليك قروشك👌
الاستلام ح يكون من البيت وناس شندي ممكن اوصل ليكم للسوق ب200ج تستلمو من 💛

:-
اسمك :
سكنك : (بحري _ شندي).
طلبك :
طريقة الاستلام : (من البيت _ توصيل)
رقم تلفون : واتسب عشان يتابعو معاك + مكالمات لو كنتي طالبة توصيل.

ناس بحري حالياً الاستلام من البيت شمبات البراحة مربع 12 سنتر مواصلات شمبات ولو لقيت عددكم كبير ممكن اشوف ليكم بتاع توصيل اتفق ليكم معاهو يوصل ليكم وتدوهو حقه⁦✔️⁩

الليلة يوم الماسك🤤🤤🤤
غايتو قدر م احكي ليكم عن ماسك الفال م بقدر اوفيهو حقو الصراحة حاجة كده في قمة الدمااااار🔥🔥🔥
مهما كانت كمية الضرر الفي شعرك ح يعالجها ليك تقصف تكسر تساقط قشرة اي حاجة تخطر ع بالك😌👌 لدرجة فكرت نسميهو المعالج بدل الفال😂💛 ماسك دررررعة والله والما جربتو نص عمرها ضائع والباقي في خطر😌
انا اليومين دي بستعملو هو براهو لانه شعري اهملتو الفترة الفاتت دي وبقى تعبان وبتساقط لكن اسي من الاستعمال الرابع التساقط شبه وقف والسبيبة زاتها رجعت صحية وناعمة😌💛 بضيف ليهو معلقة عسل وقبليهو بعمل بخاخ الشاي والحمدلله راضية تماماً 😌👌

الليلة يوم الماسك 🤤🤤🤤🤤
انا عملت ماسك الفال وضفت ليهو معلقة عسل وقبليها عملت بخاخ الشاي عشان شعري يكون لين ويمتص الماسك بسهولة😌💛
اهااا انتو عملتو ماسك شنوو ولا عايزين تعملو شنو؟؟؟ عايزين حماس م عايزين كسل صدقوني لو التزمتو بالجدول والكلام البنزلو ليكم ده شعركم ح يبقى هيلثي وينزل لنص ضهركم بإذن الله😌👌

جمعة سعيدة عليكم ي حلووووين💛💛
الليلة يوم الزيوووت (زيوت هندية ، زيت الشطة ، الزيوت السبعة.....الخ) الحاجة العندك اعمليها م تتوقفي خااااالص⁦🙅🏻‍♀️⁩
يلا لما تجي تعمليهو دفئ الزيت بتاعك حبة في حمام مائي ووزعي علي فروتك كلها واديها مساج ظاااابط كده😉
يلا ي السمحة تلبسي معاهو شور كاب اوكيس تخلي ساعتين بالظبط م تزيدي عليهم وتجي تغسلي شعرك بالشامبو نضيييف وم تنسي الترطيب بعد الغسيل وبالعافية علي شعوركم💋

اول حاجة لو كان في ميكب تعملي ليهو ازالة و تغسلي وشك بغسولك ولا صابونتك البتستعمليها⁦✔️⁩
نجي للخطوة التانية تعملي اسكراب لوشك عشان تفتحي المسام وتزيلي الاوساخ المتراكمة فيها ممكن تستعملي اسكراب القهوة ظريف شدييييد او شوفي الحاجة البتحبيها⁦✔️⁩
يلا نجي للزيت تجيبي ليك اناء كبير شوية (حلة , كورية البريحك بس😂😂)المهم تغلي ليك موية وتجدعي فيها نعناع ، بابونج ، روزماري ، نقاط من زيت الشاي ، قشر برتقال المهم اي حاجة متوفرة عندك وتجيبي ليك منشفة كبيرة ولا طرحة تقيلة تعمليها شكل خيمة وتعرضي وشك للبخار الطالع من الاناء ده لمدة 5 دقائق وخلي مسافة كويسة بينك وبينو عشان بشرتك م تتحسس😉
يلا بعد كده جيبي ليك بينسة وحاولي مرريها في وشك ح تلقي الدهون طلعت معاك فيها وبرضو مرريها برفق كده عشان وشك م يحمر⁦✔️⁩
انتهينا من الخطوة دي؟؟؟ يلا ي الثمحة شوفي ليك قطنة ولا حاجة باردة نضفي بيها وشك من العرق والزيوت الطلعت دي ويكون عندك ماسك تعملي سواء جاهز او ماسك عاملاهو في البيت لكن يكون مغذي ومناسب لنوع بشرتك تخليهو زي تلت ساعة كده وتغسليهو بموية باردة⁦✔️⁩
يلا بعد كده جيبي التونر بتاعك واعمليهو لو م عندك ممكن تعملي ماء الورد حلو شديييد ح تمرريهو بقطنة وتنتظري بشرتك تمتصاهو✔️⁩
اها نحن فتحنا المسام دي قبيل بالبخار والاسكراب نخليها كده؟؟❌ لاااا طبعاً تقومي ي الثمحة تجيبي ليك مكعب بتاع تلج تختي في قطعة قماش تقيلة كده وتمرريهو علي وشك عشان المسام تنقبض ⁦✔️⁩
لو عندك سيروم بتاع فايتمين سي اعمليهو وشك ح ينور لو م عندك عااادي 💋
نجي للخطوة الاخيرة والمهمة الترطييييب ثم الترطيب رطبي بشرتك بمرطبك البتستعمليهو ولاااازم يكون مناسب لنوع بشرتك انتبهي للحتة ضروري شديييد⁦👌
خطوات كتيرة بس نتائجها حلوة شديييييد🤤🤤 ممكن تعملي شهرياً او مرتين في الشهر👌
نسيت حاجة حاولي م تتعرضي للشمس لما تعمليهو ولو كان لا بد تطلعي اياك تطلعي من غير واقي الشمس⁦⁦⁦🙅🏻‍♀️⁩

الجميلة دي عاملة جدول ظاااابط رأيكم شنوو نعتمدو؟الجمعة : زيوت
السبت : ماسك
الاتنين : ماسك
الاربع : ماسك
م في ماسك محدد⁦🙅🏻‍♀️⁩ كل واحدة تشوف الماسك المناسب معاها ع حسب مشاكل شعرها⁦✔️⁩
عالجي شعرك حتى بعد كده تجي لمرحلة التطويل⁦✔️⁩
رطبي شعرك بعد الماسك بسيروم او جل الصبار او زيت جوز الهند المتوفر عندك بس⁦✔️⁩
صوري شعرك قبل عشان بعدين تلاحظي الفرق😉
امبارح م عملت الانڤرجن ميثود قلت ابدأها الليلة عشان تكونو معاي 💋 م عارفة اذا اتكلمت ليكم عنها قبل كده ولا لا المهم ح انزل ليكم بوست منفصل عنها إن شاءالله 👌
وح انزل بوستات عن البشرة كمان خليكم قربين😉

✨

الانڤرجن ميثود او طريقة "القلبة" قبل اي شئ الطريقة دي بتتعمل لمدة اسبوع فقط كل شهر ⁦🙅🏻‍♀️⁩
م ينفع تعمليها وانتي معاك البيريود ⁦❌
الحوامل والعندهم ضغط او أمراض في القلب م ينفع يعملوها خااالص❌
نجي للطريقة تجيبي زيت بنفع معاك ع حسب نوع مساميتك تدفئ في حمام مائي وتدلكي فروة رأسك بيهو تماااام لمدة 5 دقائق بعد كده تدنقري رأسك لتحت ممكن وانتي قاعدة او واقفة استمري في التدليك وانتي بالوضعية دي لمدة 4 دقائق سرحي شعرك بالمشط وارفعي رأسك براحة عشان م يلف 😂 اعملي شعرك كعكة وارفعيها فوووق لو عندك شوركاب يبقى كده انتي عزيتي شعرك البسيهو وخليهو لمدة ساعتين او اعملي الحركة دي بالليل ونومي بيهو يلا المفروض يتغسل بالشامبو ونحن ح نعمل الحركة دي لمدة سبعة ايام وم عايزين نضر شعرنا طيب نعمل شنووو في الحالة دي؟؟؟ شوفتو بدرة الاطفال الواحدة دي وزعيها ع فروتك ح تمتص الزيت ده كلووو 👌
فوائد الطريقة دي انها بتنشط الدورة الدموية وبتحفز نمو الشعر اعملوها لمدة سبعة ايام كل شهر وتعالو احكو لي النتائج الوصلتو ليها😉👌
انا ح ابدأها بعيدين إن شاءالله اهااا مين معاي😍💪

ازيكم ي حلوووين كل سنة وانتو طيبين وينعاد عليكم بالصحة والعافية إن شاءالله 😍😍⁦❤️⁩
ناس التحدي إن شاءالله تكونو استمريتو ولقيتو نتيجة حلوووة💋
اها العيد انتهى عندكم ولا لسه عشان نرجع لماسكاتنا💃💃💃💃

الحابة تخش معانا في تحصل وتخش الرابط التحت ده باقي التفاصيل وكل م يخص التحدي ح تلقو في القروب بالتفصيل يلا منتظرين شنو💃💃
https://www.facebook.com/groups/2590425547845872/

نار وشرار🤤🔥🔥🔥
تقدرو تقولو نبر ون في التطووويل💃💃💃

م عارفة اجيبها ليكم كيف بس الماسكات دي حاجة خووورافية دمار دمااااار🤤🤤🤤 لي حارمين شعوركم من الحاجات الجميلة دي😭
م ضروري تشترو ي جماعة اعملو في البيت إن شاءالله المهم اهتمو بشعركم وعزوهو عشان يبقى هيلثي ورهيييب💃💃💃

بنوتاتنا الحلوات😍😍 كيفكم إن شاءالله كويسين رمضان كريم وكل سنة وانتو طيبين معليش علي الغيبة الطويلة دي بس مضغوطة شديييييد دعواتكم بس😘💖
يلا نخش في الموضوع م كنا عايزين نشتغل طلبية في الوقت الراهن ده بس كمان عندنا زبائن حلوين م بنقدر نكسر بخاطرهم💖 عشان كده عملنا طلبية صغيرونة كده فلفل وفال بس لانه هم العليهم طلب كتير وبمناسبة العيد وكده ح تكون بسعر حنيييين مراعاة لظروف الناس الدخلو لي خاص اعتبروها عيدية مننا ليكم الماسكات كلهن ح يكونن بسعر 800ج العبوة 600مل💃💃
تقدرو تجو تستلمو من البيت مربع 23 وكمان ح يكون في توصيل مجان للسوق🕺🏼🕺
ده رقمي للطلب والاستفسار 0925669277
ناس الخرطوم كمان داخلين في العرض ده بس سعر التوصيل ح يكون علي حسب المكان😊
الناس البتسأل من طريقة الماسكات بنزلها ليكم تاني في بوست واثبتو ليكم عشان كل م تحتاجو ليه تلقوهو💛