Ema

صباح الخير وجمعة سعيدة عليكم ✨
جاية أوريكم رهابة بكج العيد ونتايجو مايفوتكم بس والريفيوهات دائما بدينا حماس وبتخلينا نبدع ليكم في المنتجات البتحبوها وبقت محبوبة لبشرتكم ❤️❤️
ريفيو كستمر بدت معانا رحلة علاج بشرتها وكان الفرق واضح شديد وكانت ملتزمة بالتعليمات وبشرتها استجابت بسرعة لمااتفاجات واحنا انبسطنا معاها 🔥🔥
منتظرين شنو يلا في طلبية فاتحة حاليا الحقو بكج الجمال 😍😍

صباح الخير ✨
معظم الاستشارات بتجيني الفترة الفاتت للبنوتات أستخدمو منتجات ضارة وعايزين يوقفو فحنعمل الوالي
أول شي كون انك اتخذتي القرايه دا انتي كدا خلاص حتوصلي لبشرة جميلة شديد 😍
منتجات البوتيك ماينفع توقفيها فجأه لانها بتحتوي علي استيرويد ودي مواد رد فعلها الانسحابي للبشرة كعب علشان كدا حتوقفيها بالتدريج حتبدي يوم ايوا ويوم لا لحدي ماتوصلي انك وقفتيها نهائيا يعني عاوزة فترة في الفترة دي بتشتغلي ترميم للبشرة وترطيب بحيث انو تبني حاجز البشرة المدمر بسبب الاستيرويد دي وبشرتك تبقى مستعدة تاخد منتجات علاجية واديك المفعول في الزمن المناسب
بعدها حنبدا علاج المشاكل من حبوب وتصبغات وحروق وغيرو وطبعا دي اجمل فترة حتشوفي كيف بشرتك بترجع زي أول وأجمل كمان وبتتحمسي للنتيجة النهائية 🔥🔥
علشان كدا يابنات حتى لو استخدمتو منتجات ضارة لسة عندكم الفرصة تنقذو بشرتكم وترجعوها اجمل ❤️ منتظرين شنو يلااطلبو 😂😂😂😂😍 وحبسة العيد مامحتاجة كلام كتير ماشاء لله يابنوتات ايما انا مبسوطة منكم شديد

مساء الخير ✨
البنوتات الاستلمو الحبسة اتبعوا التعليمات البقولها ليكم عشان تحصل على النتائج الرهيبة والبتبسطكم 😍😍
ركزو معي في مرحلة التقشير الكيميائي للوجه والجسم القشرة ماظهرت تصبري بس ماف حاجة اسمها امسح المقشر كم مرة في اليوم المقشر مرة واحدة بس في اليوم بالليل فقط واول ماالقشرة تظهر ماتجري القشرة بيدك ولاتحكيها بليفة مغربي وممنوع الاسكرابات والعروكات لما تخلصي فترة التقشير
لازم فترة التقشير تقعدي في البيت ابعدي من التعرض للشمس علشان البشرة بتكون حساسة بتتاثر بالشمس بسرعة ولازم تعملو واقي شمس لو ماف طريقة الاتمرقو والبسو قلفز وكاب
اول ماالقشرة تظهر تبدي ترطيب وياريت لو مرطب تقيل علشان يطلع ليك القشرة بسرعة ورطبي كتير اقل شي ٣مرات في اليوم
لازم بعد التقشير تفتيح علشان نمنع تكون التصبغات ونحافظ علي لون البشرة جميل وموحد
اخر شي القشرة ماتجروها ماتجرو القشرة يابنات وماتجرو القشرة

مساء الخير ✨
جمعة سعيدة عليكم
بما انو الليلة الجمعة اللي اتفقنا انو يوم الماسكات الطبيعيه حنزل ليكم ماسكات انا شخصيا جربتها ونتائجها كانت ممتازة 😍😍
1/ماسك الزبادي و النشا و نقاط من الليمون :
المقدار :كاسة زبادي صغيرة و نص ملعقة صغيرة نشا و نقاط ليمون
طريقة الحفظ :في الثلاجة و ما تدخلي يدك بس تسحبي منه بالملعقة عشان ما يتغير.
الفوائد :الماسك دا برطب و بنقي و بنضر الوجه بصورة كبيرة و عميقة
طريقة الاستخدام :ممكن يوم بعد يوم.

2/ماسك لبان الدكر و عرق السوس :
الطريقة :تنقعي ربع كوب لبان دكر و ربع كوب رز في كوب ماء و تخليهم في الثلاجة من بالليل للصباح.. اليوم الثاني صفيهم و في حلة و ع النار ضيفي نص ملعقة صغير نشا و قلبي ع نار هادئة لحدي القوام يتقل حبة.. بعد تطفي النار ضيفي ملعقة كبيرة جلسرين و ملعقة كبيرة زيت فيتامين E و ملعقة كبيرة ماء ورد و ممكن ملعقة كبيرة عرق سوس و اخلطيهم و صبيهم في قالب

طريقة الاستخدام :ممكن بشكل يومي او يوم بعد يوم لانه مكوناته كلها لطيفة و باردة

طريقة الحفظ :احتفظي بيه في الثلاجة ❤️
الفوائد :طبعا كلها مكونات فوائدها معروفة و الماسك دا مع طول الاستخدام رهيب رهيب جدا بفتح اللون و بنقي و بدي نعومة

ماسك الشوفان بالعسل :
الطريقة :ملعقة كبيرة شوفان و ملعقة صغيرة عسل
الماسك دا اكتر شي لي اصحاب البشرة الجاااافة
طريقة الاستخدام :مرتين في الأسبوع

ماسك بياض البيض و البن :
الطريقة :ملعقة كبيرة بن مع بياض بيضة واحدة
طريقة الاستخدام :مرة او مرتين في الأسبوع

الماسك دا برضو بدي نضارة و نعومة

⭕طبعا ماسكات الوجه كتيرة بس دي اكتر الماسكات المجربة و اللطيفة و اللي أغلبية موادها متوفرة في البيت

⭕خلوا الماسك جزء اساسي من روتينكم لانه الحاجات الطبيعية دي تأثيرها قوي و بتخلي تأثير اي منتج تاني تعمليه يظهر 💕

and beauty ✨

.مساء الخير جميلات ايما ✨ حنتكلم الليلة عن التصبغات او فرط التصبغ في الجلد🔥😍 هو مصطلح يستخدم لوصف مناطق التصبغ غير المتساوي في الجلد.

يظهر فرط تصبغ على شكل بقع داكنة أو بقع على الجلد تجعله يبدو غير متناسق اللون. تُعرف هذه البقع الداكنة ببقع الشمس أو البقع العمرية. كما أن فرط التصبغ هو أيضًا أساس أمراض جلدية مثل فرط تصبغ التالي للالتهاب. يظهر فرط التصبغ عادة في مناطق الجلد التي تتعرض للشمس بشكل متكرر، مثل الوجه واليدين.
ما الذي يسبب و/أو يحفز فرط التصبغ؟

الشمس تحفز انتاج الميلانين وهي السبب الرئيسي لمشاكل فرط التصبغ مثل بقع الشمس
ينتج فرط التصبغ عن زيادة في انتاج الميلانين وهو الصبغة الطبيعية الذي تمنح بشرتنا وشعرنا وأعيننا ألوانها الطبيعية. يزداد انتاج الميلانين بفعل عوامل مختلفة، أهمها التعرض للشمس، العمر، المؤثرات الهرمونية، إصابات الجلد، أو الالتهاب.

التعرض للشمس هو السبب الرئيسي لفرط التصبغ، فأشعة الشمس هي التي تحفز انتاج الميلانين أساسًا. يعمل الميلانين كواقي طبيعي لبشرتك من الشمس بحمايتك من الأشعة المؤذية والتي تدفع الناس إلى تسمير بشرتهم في الشمس. لكن التعرض المفرط للشمس قد يعرقل هذه العملية، مما يؤدي إلى فرط التصبغ
طيب الحل شنو ؟؟
كيف يمكنني حماية بشرتي من فرط التصبغ؟

استخدام واقي شمسي واسع الطيف يوميًا قد يساعد على منع فرط التصبغ.
مهما كان لون بشرتك الطبيعي، فإن أول خطوة عليك القيام به هو حمايتها من الشمس للمساعدة في منع فرط التصبغ. من المهم أن تتذكر أن الشمس تؤثر على البشرة حتى في الأيام الغائمة، لذا امنح بشرتك الحماية اليومية التي تحتاجها. تأكد من تطبيق المنتج جيدًا وإعادة تطبيقه عند الحاجة.

الحد من تعرض الجلد للشمس سيساعد أيضًا في تقليل حالات فرط التصبغ. حاول الابتعاد عن أشعة الشمس خلال ساعات الذروة وارتدي ملابس واقية بما في ذلك القبعات والنظارات الشمسية كلما أمكن ذلك.

إذا كنت فعلًا تعاني من فرط التصبغ، فإن اتخاذ الحد من التعرض للشمس وحماية البشرة سيساعدان على منع تطور الحالة.

جمعة سعيدة عليكم ❤️ ماتنسو سورة الكهف ✨
نواصل في كلامنا عن مشاكل الصيف وكيف نقدر نحافظ على بشرتنا في الفترة دي
الليلة حنتكلم عن الاحمرار
معظمنا بلاحظ احمرار في وجهنا لما نطلع في الشمس لفترة طويلة من غير استخدام واقي شمس مناسب وبكمية كافية. عارفين لي ؟!
طيب الشمس بتحتوي علي إشعاعات كتير منها الأشعة فوق البنفسجية وهي نوعين
الأشعة فوق البنفسجية A ودي بتدخل لطبقات البشرة العميقة ويتسبب ضرر مع مرور الوقت
الأشعة فوق البنفسجية B ودي بكون أثرها علي سطح الجلد وبتسبب مايسمي بحروق الشمس
الجسم بتعامل مع الإشعاعات دي من خلال جهاز المناعة فبقوم بزيد تدفق الدم في المنطقة المعرضة للشمس ودا سبب الاحمرار والحالة الالتهابية للبشرة
طيب كيف نعالج الاحمرار وحروق الشمس ؟
🌡️ اول ماتجي من الشمس تغسلي وجهك بموية باردة لأنها بتقلل تدفق الدم وبتضيق الشرايين فبتالي بتقلل الاحمرار
🌡️ نشرب كمية كافية من الموية علشان البشرة تقدر ترطب نفسها وتنتعش 😍
🌡️ استخدام واقي شمس مناسب لنوع بشرتك وبي SPF مناسب نتأكد أننا ختيناهو قبل ربع ساعة من طلوعنا ويتجدد كل ساعتين ضروري شديد عشان نضمن الوقاية التامة من الشمس ونلبس كاب أو ناخد معانا شمسية بحيث انو تحمينا من أشعة الشمس المباشرة قدر الإمكان
اخر شي ياريت نبطل استخدام منتجات ضارة بالبشرة فترة الصيف بزات لانو الظروف المحيطة بتكون مساعدة علي التهاب البشرة مع المواد الضارة دي رد فعل البشرة حيتنج عنو حروق وتصبغات ممكن نحتاج لمقابلة طبيب جلدية عديل فشنو حاجات البوتيك نبعد عنها ياحلوين عشان بشرتكم تستاهل منتجات افضل

مساء الخير ✨
عندي ليكم خبر معظمكم كان منتظرو 🔥بكج حسبة عيد الاضحي حاليا جاهز ماعليكم الا تطلبو وبس شفتو انا مدلعاكم كيف عشان المرة دي عاوزين نبدا جيهتنا وعنايتنا ببشرتنا من بدري ومن غير كسل 😍😍
والخبر الاجمل التاني تم تعديل الفورمولا بتاعت كل المنتجات علشان تناسب الصيف وسخانتو وتعالج المشاكل البسببها قلت ليكم ماخليت ليكم حاجة ماعملتها عشانكم منتظرين شنو يلا اطلبو 😍😍
طيب البكج بتكون من شنو؟
بكج الوجه بحتوي علي كريم تفتيح وتقشير وترطيب ومضادللاحمرار وبالإضافة لدا كلو فيهو نسبة من الوقاية من أشعة الشمس ❤️
بكج الجسم بحتوي علي كريم تفتيح وتقشير وترطيب وترميم ❤️

صباح الخير ✨
اول بوست في معرفة مشاكل البشرة في الصيف وكيف نحلها فتاقو كل صحباتكم علشان يقدرو يستفيدو من المعلومات دي وماحتلقوها في اي مكان علي فكرة كلمتكم 😂😂😍

🔵الجفاف 😥
زي ماكلنا عارفين انو فترة الصيف دي بالزات في السودان بنكون معرضين للجفاف بصورة كبيرة وجفاف داخلي وخارجي كمان للاسف لي ياايما؟! حقول ليكم لي ببساطة لانو درجات الحرارة بتكون عالية شديد فالجسم بحاول بتاقلم علي الحرارة العالية دي بي انو يرسل لي منطقة في المخ هي مسئولة عن تنظيم الحرارة في الجسم انو والله احنا مولعين شوفي لينا طفايات سريع سريع وفعلا المنطقة دي من الإمكان المتصلة بيها وبترسل ليها إشارات عصبية هي الغدد العرقية فبتقوم الغدد العرقية تفزر العرق كوسيلة لتبريد الجسم والتخلص من الحرارة العالية عشان يقدر يشتغل باقي العمليات الحيوية التانية لانو الحرارة بتأثر علي معظمها وبتدي ردات فعل مرضية لو استمر الجسم علي درجة الحرارة العالية دي فااحنا طوالي بنحس بشرتنا بدت تعرق وشوية كدا الجسم ببرد ولكن العملية دي مابتقيف هنا بتمش إشارات للمخ اانو احنا عاوزين الإحساس بالعطش عشان الشخص دا يشرب موية ويعوض نقص الموية المفقود بالعرق تمام فبنحس بالعطش وهنا يبقى دورنا المهم والرئسسي إذا ماشربنا موية حنتعرض للجفاف وبصورة كعبة شديد مع مرور الزمن الزمن حنتعب اكتر وماننسي كمان دور الكلى في فلترة السموم دا برضو عامل مهم جدا ومصدر لفقدان الموية فعلشان كدا احنا محتاجين نعمل التالي 🔥🔥

🌡️ نقلل تعرضنا لااشعة الشمس بقدر المستطاع ومانقعد في أماكن كاتمة وقليلة التهوية لانو دي بتزيد إفراز العرق وبالتالي حيقابلو نقصان في الموية مقارنة بالكمية المأخوذة من الموية فحنوصل لمشكلة الجفاف
🌡️نقلل اكل السكريات وياريت لو بدينا خطة التوقف عن تناول السكر لانو السكر دا عارفين مشاكل شنو كتيرة وبجوط كل الوظائف الحيوية
🌡️تناول وجبات سهلة الهضم وغنية باالياف والفايتميانات وتبعد تمام عن أكل الحاجات الدسمة لانو مواد دسمة يعني معدة مكركبة لي استهلاك أكثر الموية عشان نقدر نهضم المواد المعقدة دي ودي برضو يعني فقدان الموية ونرجع للجفاف تاني
🌡️تناول الفاكهة والخضار البتحتوي علي نسبة عالية من الموية زي البطيخ والكرفس
🌡️واخيرا تناول الكمية الكافية من الموية يعني لازم حصتكم اليومية من الموية لازم تاخدوها ممكن تنزل تطبيقات تزكركم بشرب الموية وتحسب ليكم عدد الكبابي الشربتوها ولو شغالين ممكن تاخدو معاكم بوتل فيها كمية كافية من الموية بحيث انو كل ماتحسو بالعطش تشربو وهنا الموية دي بتشمل العصائر والمشروبات الطازجة برضو
🌡️نقلل تناول الملح لانو دا عنصر أساسي لفقد الموية خصوصا بالكلية وبرهق الجسم بخليهو شاحب
🌡️نقلل استخدام المنتجات الثقيلة القوام علي البشرة وبتحميها تتنفس
🌡️الصابون يخوانا مامعانا استخدمو الغسول لغسيل وجهكم وماتغسلو كتير عشان مانفقد زيوت البشرة الطبيعية واللي بترطب لينا بشرتنا ونبقى في البرطبها لينا والصابون ماتغسلو بيهو وشكم
🌡️ أستخدام منتجات ترطيب خفيفة علي البشرة ياحبذا لوكانت في هيئة لوشن أو جل أو سيرم
🌡️رطبو بشرتكم ماتقولو لي بسخن بينا أستخدمو منتجات خفيفة علي البشرة شنو منتجات خفيفة قلنا خلو بشرتكم تتنفس وقللو مكياج وفل كفرج شوية عاوزين نسوفكم علي طبيعتكم الفترة دي 😂😂😂😍
واخيرا أشربو موية كتير وعصاير

جمعة سعيدة عليكم ❤️
الصيف يعني إفراز زايد للدهون واحمرار للبشرة وتصبغات وحبوب وإلى آخره من مشاكل البشرة المتعلقة بفترة الصيف ولكن دا كان زمان البوستات الجاية كلها بتخص العناية بالبشرة في فترة الصيف وحنركز اكتر علي اصحاب البشرة الدهنية والحساسة لانو ديل اكتر فئة بتعاني في الفصل دا فخليكم متابعين معي حنعمل روتين مناسب علشان نتجاوز كل المشاكل الفوق دي ونعيش الصيف ببشرة نقية جاهزين 🔥🔥🔥🔥

مساء الخير ✨
الفترة الفاتت كانت أطول رحلة بحث عن المواد الخام للشغل ودا كان أصعب تحدي بالنسبة لينا خصوصا مع ظروف السودان الحالية دي ولكن الحمد لله بفضل دعواتكم واجتهادنا وتفتيشنا الكتير حاليا قدر أفضل المواد وباافضل جودة موجودة في السوق عشان تكون النتايج مضمونة 😍😍 والحمد والشكر لله حاليا خلصنا كل التجهيزات وكل الفورملات والمنتجات متوفرة ممكن تطلبو في اي وقت ان شاء الله وحتوصلكم المنتجات العندكم ❤️

صباح الخير ياحلوين 😍
دا جزء بس من الريفيوهات البطيروالعقل انا مبسوطة وانتو مبسوطين واحنا انتو وانتو نحن 😂😂😂😂 المرطب دا المنتج السحري في ايما 🔥🔥 يعني الماطلبت المرطب فايت عليك رهابة كتيرة شديد لو بديت اتكلم عن المرطب ماحسكت أحسن تطلبو وتشوف النتايج براكم وتشوفو القلو البعملو 😍😍

عيد فطر سعيد علي الجميع وربنا يصلح حال السودان ويرجع أحسن من زمان ويعم الخير والامان كل العالم ❤️
كل سنة وبنوتات ايما جميلات ومستقلات وقادرات علي تحقيق احلامهم وامانيهم ومرتاحات كدي يايمة ومقرشات وامورهم واضحة 😍✨