Physio.KoLamg

ခါးနာခြင်း၊ အကြောညှပ်ခြင်း နှင့် အိမ်ထောင်ရေးသုခ (Sexual Health) 💡

ခါးနာတာ၊ ခါးဆစ်ပြားကျွံတာ
သို့မဟုတ် အကြောညှပ်ဖူးတဲ့သူတွေ
အိမ်ထောင်ရေးသုခ ခံစားတဲ့အခါ
ခါးက ချက်ချင်းပြန်ပြီး ဒဏ်ရာရတတ်တာ၊
ပိုနာလာတာမျိုး ကြုံဖူးကြမှာပါ။

အချို့ဆိုရင် ခါးနာတဲ့ဒဏ်ကြောင့်
စိတ်ရောကိုယ်ပါ ထိခိုက်ပြီး
အမျိုးသားစွမ်းဆောင်ရည်
ယာယီကျဆင်းတာမျိုးအထိ ကြုံရတတ်လို့
စိတ်ဓာတ်ကျတတ်ကြပါတယ်။

တကယ်တော့ ဒါဟာ စိတ်ပူစရာမဟုတ်ဘဲ
ဆေးပညာအရ ခါးရိုးလှုပ်ရှားမှုကြောင့်
အာရုံကြောမကြီးပေါ် ဒဏ်ပိသွားခြင်း နှင့်
နာကျင်မှုကြောင့် ဖြစ်ပေါ်လာတဲ့
စိုးရိမ်စိတ် (Anxiety) ကြောင့်သာ ဖြစ်ပါတယ်။

ခါးနာတာကိုလည်း မဆိုးစေဘဲ
အိမ်ထောင်ရေးသုခကိုလည်း
အဆင်ပြေပြေ ဖြတ်သန်းနိုင်ဖို့
အောက်ပါ အချက် (၃) ချက်ကို
ပြောင်းလဲပြင်ဆင်နိုင်ပါတယ်ဗျာ။

🔄 ၁။ ခါးအနေအထားကို ပြောင်းလဲပါ
(Spine-Supported Positions)

ခါးနာသူတွေ အတူနေတဲ့အခါ
ခါးကို အစွန်းကုန် ကုန်းလိုက်တာ သို့မဟုတ်
အနောက်ကို အစွန်းကုန် ကော့လိုက်တာမျိုးတွေက
အကြောကို ပိုညှပ်စေပါတယ်။
ဒါကြောင့် ခါးကို
ဖြောင့်ဖြောင့် (Neutral) ထားနိုင်မယ့် အနေအထားတွေ သုံးရပါမယ်။

* ခါးရှေ့ငုံ့ရင်နာတတ်သူများ: အမျိုးသားက ပက်လက်လှန်အိပ်ပြီး ခါးအောက်ပိုင်းမှာ ခေါင်းအုံးအိအိလေးတစ်လုံး ခုထားတဲ့ပုံစံ ကို သုံးပါ။ ခါးကို ရှေ့ကုန်းမကျသွားအောင် ထိန်းပေးပါတယ်။ 🛏️🛏️🛏️

* ခါးနောက်ကော့ရင်နာတတ်သူများ: ဘေးစောင်း အတူအိပ်တဲ့ ဇွန်းထပ်ပုံစံ (Spooning Position) က ခါးကို အနောက်ကို ကော့မသွားစေဘဲ ဒူးလေးကွေးထားရလို့ ခါးရိုးအာရုံကြောပေါက်ကို အပွင့်ဆုံး ဖြစ်စေပြီး အန္တရာယ်အကင်းဆုံး ဖြစ်ပါတယ်။ 🦐🦐🥄🥄🥄

🛑 ၂။ အရှိန်နှင့် လှုပ်ရှားမှုကို ထိန်းချုပ်ပါ (Motion Control)

* အရှိန်ပြင်းပြင်းဖြင့် ဆောင့်ခြင်း၊
ခါးကို ဇွတ်ကော့ပြီး အားစိုက်ခြင်းများကို
လုံးဝ ရှောင်ကြဉ်ရပါမယ်။

* လှုပ်ရှားတဲ့အခါ ခါးဆစ်တွေကို
ကုန်းလိုက်ကော့လိုက် လုပ်ပြီး
အားမယူဘဲ တင်ပါးဆုံဆစ် (Hip Joints)
ကိုပဲ သုံးပြီး ညင်သာစွာ ရွေ့လျားဖို့ လိုပါတယ်။

* မိမိရဲ့ အဖော် (ပါတနာ) ကို ပိုမို
ဦးဆောင်ခွင့်ပေးခြင်းဖြင့် ကိုယ့်ခါးပေါ်ကျမယ့်
ဒဏ်ကို လျှော့ချပါ။

💪 ၃။ ခါးအတွင်းပိုင်းကြွက်သားများကို သန်မာစေခြင်း (Core Exercises)

နေ့စဉ်ဘဝမှာ ခါးကို အတွင်းပိုင်းကနေ
အလိုအလျောက် ကျားကန်ပေးမယ့်
Deep Core ကြွက်သားတွေကို
လေ့ကျင့်ခန်းလုပ်ထားရပါမယ်။
ခါးဆစ်ပြားပေါ် ဒဏ်မပိဘဲ
ခါးငြိမ်စေမယ့် Bird-Dog လေ့ကျင့်ခန်း
(လေးဘက်ထောက်၍ လက်တစ်ဖက်
ခြေတစ်ဖက် ဆန့်ထုတ်ခြင်း) မျိုးကို
ပုံမှန် လုပ်ပေးသင့်ပါတယ်ဗျာ။

💡 အနှစ်ချုပ်အနေနဲ့ -
ခါးနာတတ်သူတွေဟာ
အတူနေတဲ့အခါ
စိုးရိမ်စိတ်လွန်ကဲပြီး
ဇွတ်အောင့်အည်းမလုပ်ဘဲ၊
မိမိခါးနဲ့ ကိုက်ညီမယ့်
သက်သောင့်သက်သာဖြစ်စေမယ့်
ပုံစံ (Position) ကို ညင်ညင်သာသာ
ပြောင်းလဲအသုံးပြုပေးမယ်ဆိုရင်
ဒဏ်ရာလည်း ထပ်မရစေဘဲ
အိမ်ထောင်ရေးသုခကို ပျော်ရွှင်စွာ ခံစား
ဖြတ်သန်းနိုင်မှာ ဖြစ်ပါတယ်ဗျာ။

System ချပြီး 7 days program ကို run လိုက်တော့ လမ်းကြုံလို့မေးလိုက်မယ်ဟေ့ ဆိုတဲ့ လူအုပ်ကြီးကတော့ နည်းသွားပါတယ်။

another positive review!
They are managing their pain better! I am glad.

More fun edutaining contents are coming! 💪😍

ခါးနာအတွက် ဒီလေးချက်။

Life style modifications works!
He reported feeling better even before starting his 7 days program. He was the very first one who joined the program created by PKLM team.😍👍💪☀️⭐️

ခါးနာတာတွေ ပြောတာများသွားလို့ပျင်းနေကြပြီလား ?

Unboxing video လုပ်ရမလားဗျ။ ? မဖောက်ရသေးတဲ့ Hirono အရုပ်လေးတွေ ရှိလို့။

ဘာရယ်မဟုတ် စိတ်အပန်းပြေပေါ့။ 😅😁☀️