Souriana Beauty Center

الأحلى من انو راح الشعر انو راح التصبغات .. الصبية هون عندا مشكلة هرمونية وعم تتعالج ومكفايين بالجلسات
وحابة اليوم جاوب ع كم سؤال بخص الليزر
أيمت ببلش الشعر يهر وهل طبيعي يكمل نمو بعد الجلسة؟
طبيعي الشعر يكمل نمو بعد الجلسة والشعر بهر بحدود اسبوعين أو تلاتة بعد الجلسة.
ليش في شعر بيستفاد وشعر ما بيتأثر بالليزر؟
لأنو أشعة الليزر بستهدف صبغة (ميلانين) مو الشعرة بحد ذاتا، الشعر الأشقر اللي مافيه صبغة او الأبيض مابروح ولا بجهاز ليزر يعني اذا جيتي وقلتلك مارح تستفادي ما تحاولي تقنعيني انو عندك شعر وتحطيلي فلاش الموبايل لحتى تثبتيلي، ما شفتيه بعيونك يعني ما رح يتأثر بالأشعة او مثلا تقليلي هوي صح الشعر مو مبين بس اذا مرقتي بايدك بتحسي انو في شعر، الشعر اللي فيه صبغة اللي بتشوفيه هوي الوحيد اللي بروح بالليزر وأي نوع ليزر مو بس الجهاز عنا.
طيب كيف منعرف انو استفدنا من الجلسة؟
لما ببلش يهر الشعر معناها بصلة الشعر ماتت
ليش مابروح الشعر بعد الجلسة فورا وبيحترق؟
لأنو نحنا هدفنا بصلة الشعرة تموت مو هدفنا نحرق الشعر اللي اذا احترقت مو بالضرورة تكوني استفدتي من الجلسة لأنو طاقة الليزر مو بالضرورة تكون وصلت للبصلة وممكن ترجع الشعر تطلع بشكل طبيعي اذا قطعتي.. طبعا هون عم نحكي بحال مافي مشاكل عند الصبية وهرموناتا منتظمة.
كم جلسة ممكن ناخد لحتى نستفاد؟
انا مابحب اعطي عدد ثابت لكل الناس لأنو بالنهاية مو كل الناس نسخة عن بعض وكل جسم غير التاني بشكل وسطي ممكن يوصل العدد 6-8 جلسات ممكن أكتر وممكن أقل يعني في عوامل كتير بتلعب دور بالنتيجة منها اذا الصبية عندا مشاكل هرمونية بكل أنواعا والحمل والارضاع كمان بتكون الهرمونات غير مستقرة والعمر اذا الصبية تحت ال18
وكمان لون الشعرة وسمك الشعرة ولون الجلد كل ما كان الجلد فااتح والشعرة غامقة بتكون النتيجة أحلى واخر شي الالتزام بالجلسات.
هي شوية أسئلة جاوبنا عليا واذا في أي اسئلة كتبولي قد مابقدر بجاوبكن.

صار عنا بالمركز أحدث جهاز ليزر بأحدث قبضة أميركية بأعلى قدرة على التبريد تصل ل 4-

• حائز على موافقة ادارة الاغذية والعقاقير (FDA)
• مرخص من وزارة الصحة فهو آمن تماما.
• غير موجع ولا يسبب الألم.
• حد أدنى من خطر الإصابة بالآثار الجانبية.
• التطبيق في جميع الفصول بما في ذلك الصيف.
• آمن في جميع أنواع البشرة بما في ذلك الجلد البرونزي.
• فعّال على جميع أنواع الشعر بما في ذلك الشعر الناعم والرفيع.
وهو عبارة عن نظام لإزالة الشعر بالليزر ذو ثلاثة أطوال موجية:

755 نانومتر ليزر ألكسندريت، 810 نانومتر ليزر ديود، 1064 ليزر Nd:YAG

مع الاستفادة من ثلاثة أطوال موجية لليزر، فإنه يتم إستهداف أعماق مختلفة وهياكل تشريحية مختلفة موجودة في بصيلات الشعر. توفر مستويات الامتصاص والاختراق المختلفة للأطوال الموجية الثلاثة إزالة شعر بالليزر فعالة في جميع أنواع البشرة والشعر. يمكن تطبيقه بأمان على جميع أنواع البشرة بما في ذلك البشرة البرونزية، كما يسمح بإزالة الشعر بالليزر في المواسم الأربعة. يتم الحصول على نتائج فعالة حتى على الشعر الناعم مع هذه التقنية ثلاثية الأبعاد.

لأي استفسار عالارقام:
0954540142
5540142
الأسعار رح تكون عالجهاز غير لأي استفسار عالأرقام رسائل الصفحة فيها عطل

Microblading

الصبية كان عندا تاتو قديم ورسمة غلط ولون كتير سيء طبعا ما قدرنا نعمل مايكروبلادينغ قبل ما نمحي بجلسات ليزر أخدو معنا 3 جلسات لحتى راح اللون (الصورة قبل المايكروبلادينغ بعد الإزالة ) وقدرنا نعمل الشكل اللي بناسب وجه الصبية بلا ما نتقيد برسمة قديمة غلط وهيك لما عملناهن صارو طبعا هون مايكروبلادينغ مع ظل

عروض الأعياد هالسنة رح يكون حسم 50٪ على كافة الاجراءات التجميلية اللي بتخص البشرة
جلسة الاكسيجينيو
تقشير كربوني
هايدرافيشال
حقن ميزوثيرابي
حقن بلازما
ديرمابن مع أفضل أنواع الميزو
ديرمابن مع بلازما
ابرة نضارة
هالعرض رح يكون من بكرا للخميس
للحجز الرجاء الاتصال على الرقم 0954540142
العرض ساري حتى اكتمال العدد
أعياد مجيدة وكل عام وانتو بألف خير

إزالة تاتو الحواجب عن طريق الليزر.. هالنتيجة الحلوة بالصورة كانت بعد تلات جلسات الجلد نضيف وما تأثر وما في ندب ولا أي أثر.. طبعا عدد الجلسات بيختلف من شخص للتاني حسب عمر التاتو وعمرو وعمقو بالجلد لهيك كل حالة الها عدد جلسات معين
خلال الجلسة رح يصير في احمرار وممكن ينزل دم حسب عمق التاتو بالجلد ولأي طبقة واصل اللون
بالنسبة لشعر الحواجب ممكن يصير أبيض لفترة لأنو أشعة الليزر بتسحب الصبغة او الميلانين الموجود بالشعرة وهالشي بكون مؤقت طبعا بترجع الشعرة متل ما كانت ولطبيعتا لهيك اثناء الشغل انا بكون حذرة وبحاول قد مافيني احمي الشعر الموجود من أشعة الليزر ويكون شغلي كلو عالجلد ليضل الشكل مقبول وما تنزعج الصبية
بعد الجلسة في مراهم ضروري الالتزام فين
بالنسبة للصبايا اللي عاملين تاتو كامل او بلوك وبدن يرجع يعملو مايكروبلادينغ، المايكرو صبايا بينعمل بس بشرط ينعمل جلسات إزالة تاتو قبلو وبعدا منعمل المايكرو وإلا ما رح تكون النتيجة حلوة لما بتقشر الحواجب لهيك ضروري ينشغل على جلد نضيف ❤️❤️

اليوم بدي وضح قصة صارت من كم يوم ما كنت ناوية احكي فيا لأنو نحنا مو طرف بالمشكلة، لكن من يوم اللي صارت وانا كل يوم بنسأل عنا كتير لهيك ولأنو اليوم صار عندي شوية فضى قلت رح وضح للكل وبتمنى ما عاد حدا يسألني
القصة انو في صبية عملت جلسة ليزر بمركز ما وانحرقت، مو عنا وانا بحياتي ما بعرفا للصبية معرفة شخصية ولا بحياتي شفتا، المهم نزل بوست ع غروب معين يسألو فيه عن المركز اللي احترقت فيه والبنت حكت تجربتا ونزلت صورة الحروق، فورا انعمل حساب وهمي بإسما وصورتا وتهموها انو كانت كاتبة قبل عن مركزنا هيك انو هيي انحرقت عند سوريانا، ريما صبية شطورة بشغلا ومعروفة بصافيتا وسمعتا حلوة وأكيد مو من مصلحتا تشوه سمعة كل المراكز، وصار في صبايا تعلق تعليقات كتير سخيفة للبنت اللي بعد الحرق ووجعو تأذت أذى معنوي أكبر، المهم انا مابعرف ليش او كيف دخل اسم مركزنا بالموضوع بس اللي متأكدة منو انو مو الصبية اللي حكت هالحكي عن مركزنا.
بس للمعلومات الليزر أشعة بتستهدف ميلانين وليس الشعرة، الميلانين موجود بالشعرة وبالجلد، جلد غامق يعني ميلانين أعلى،يعني لهيك نوع من الجلد ممنوع نعلي العيار لأي سبب من للأسباب، ما استفدتي طولي بالك أحسن ما تنحرقي وانا دايما بحكي هالحكي وحتى بالبوستات بطلب من الصبايا ما يطلبو يتعلى العيار، بالنهاية الناس بتلجأ لمراكز التجميل لحتى تحسن شكلا مو تتشوه، لهيك اذا اجت صبية عندا الشعر فاتح او وبري او اشقر انا ما بنصحا تعمل ليزر لأنو ما رح تستفاد وكل الصبايا اللي بيجو لعندي بيعرفو انو انا بنصحك وما بشجع حدا ع شي بلا فائدة، رغم النصيحة أحيانا كتير بكونو مصرين وبالأخير بيكتبو ما استفدنا🤷🏻‍♀️🤷🏻‍♀️🤷🏻‍♀️ على كل حال أنا بهمني ما ضر حدا، هيك بكون وضحت كل شي صار من وجهة نظري بتمنى نكون سكرنا عالقصة وماعاد حدا يسألني❤️❤️

نسبة كبيرة من الصبايا بعانو بغمقان بمنطقة الإبطين بهي الحالة استخدمنا تقنية الليزر الكربوني وهي كانت نتيجة تلات جلسات.. طبعا في تقنيات تانية متل التقشير الكيميائي او ميزو التبييض اخترنا الليزر الكربوني كخيار آمان واقتصادي أكتر

يسعد صباحكن الصبايا اللي فازو بالمسابقة
Batool Suliman Laila Sakkour مها درويش
ألف مبروك صبايا ياريت تتواصلو كرمال الموعد
طبعا اختيار الرابحين كان بشكل عشوائي مافي اي اعتبارات تانية
حظ اوفر لكل الصبايا ان شا الله كل فترة رح اعمل مسابقة ليستفاد الكل
بدي احكي بشغلة صغيرة اذا حكيتو وما ردينا ع الاتصالات مو لأنو نحنا نفسية او تكبرنا عالشغل ومابعرف شو كمان تحليلات.. أكيد بكون في بايدنا شغل لأنو نحنا ما منقعد حرفيا لا صبح ولا مسا ايام مافي وقت نتغدى لهيك طولو بالكن علينا شوي عم نحاول نرد عالكل ورح نحاول ننظم الوقت أكتر

صباح الخير للكل اليوم حابة احكي بكذا نقطة
-يا صبايا لو سمحتو اللي بتاخد موعد وما قدرت تجي صار معا أي ظرف لو سمحتو تحكو تلفون تلغو الموعد او تأجلوه لأنو بكون في غيرك ناطر الموعد.. او اللي بدا تتأخر عن موعدا كمان تحكي تلفون.
-شغلة تانية المواعيد حصرا عن طريق تلفون الموبايل أو الأرضي لا واتس ولا رسائل صفحة لأنو في كمية رسائل كبيرة ومابلحق رد عالكل ومو دايما عندي نت وبتأخر بالرد بكون راح الموعد
-شغلة تانية ياريت أي صبية بتكون بدا تعمل جلسة ليزر وخصوصي للوجه ما تطلبي يتعلا العيار وفي كلمة دايما بقولولي ياها (حرقيلي ياهن حرق ) العيارات شغلة الأخصائية اللي عم تشتغل ونحنا منراعي فيا جوانب كتير منا لون الجلد طبيعة البشرة طول الشعرة والجو بشكل عام ونحنا بهمنا انو ولا صبية تنضر عنا فلو سمحتو الشغلة مو مزحة.
آخر شغلة رح ربح تلات صبايا من التعليقات بشكل عشوائي جلسة هايدرافيشيل وجلسة مايكروبلادينغ حواجب وجلسة اوكسيجينيو للبشرة مافي شروط بس من التعليقات عشوائيا رح اختار ❤️❤️