Henna&Harkous wassouma

9oltouli chbik me chkitich, rani b**h nichki ema mekom ta3rfou ta5rij video mil camera mta3 boutique sawrit il 9aleb houwa w martou ykarkrou fi dbech yilzmou bil hakim btina fi ta5rijou, wil mou3ayna 3al messaget wil videoet 3ala tri9 3adl mounafeth thibilhom chweya wa9t w flous, w chhoud ila chefouhom fi dari w fil houma mawjoudine, yilzim chkaya kemla me na9is chey 5atirhom mafia, tawa c bon juste tarja3 il mahkma, w rani sad9ouni tawa 5asra 9rib li 300dt b**h 5arajt ellezim elkoul w mezilt b**h n5alas il mouhami w na5sar me na5sar 3ala tmenikhom w sir9ithom thahbi w floussi w sil3ti w 3ar9i w ta3bi , hasbiallah we ni3ma il wekil fihom, ghoudwa nchallah nzid nahkilkom

Mezilt b**h nzid nahkilkom ema brabbi ed3iw 3lihom wekline 3ra9 barcha nes yweklou fi sgharhom fil hram w 3aychine bil hram w le dine le milla 3isaba, il mra tisdad w tod5ol w ba3d eda5lou houwa wil 3yla il "kerima" mitfehmine hiya 3aycha m3a ..... b**h kif youhil tselekhelou, w houwa m5oliha ala thimtou b**h me tsirilhech mechekil kif tohsol, hasilou nitsawarkom fhimtou, mezelit il hkeya rahou ....

Hay nahkilkom chweya 3ala il 9arhmena o5t il 9alleb wil mithayil il mithajba, mounaf9a le dine le milla omha douba twefet jebitilha 9illit errahma, lella t3adi fi cmandet rwob w sweri w w w, 5ayatli, a3melli nhib w nhib .... brabbi 9bel il 3id brabbi clionet yhibou w yhibbou weni mekbouba 3al mekina lile w nhar 3amlitilha 5atim 9ad sbo3ha, weni yi3lim bhali kene rabbi t3ab w 3ra9 weni ni5dim lile w nhar w nsabah weni ni5dmilhom, merjitni hiya wil 9aleb 5ouha w lella martou, ema 9bel hetha 5alini n9ol9om ila houwa si il mithayil w mraytou jew hezou dbech me 9imtou melyoune hadhrine 3andi jbeyib w rwob w 3ibeyet w 9fatin w w w rmali 200dt w 9ali tew nkamelik, me nikthibch alikom tmi3t 3id w habit nichri 3alouch lesghari, hasilou ba3d me hez edbech 3awid je za3ma mit3iddi me jeb**h flous fou9ou zed hez dbech w braceleyet w accessoirat w portes monnaie me 9imtou melyoune e5ir w yi7lif wlh wlh ghoudwa njiblik leflous, w mezel 3al 3id nharine, 9olt ayemet fdhila w moubarka w 3arafa w w w sayibtlou, y9ara9 yhib y3amar il boutique 9bel il 3id, hata rajli 9alli miselich binetna me w mil7 m3a sgharou tawa yjiblik flousik, ye5i sar ila sar .....

Hay nzid nahkilkom, btit alikom mehou lelit il 3ine welet theded fiya, heni etilhit n5arjaj fi cd b**h ncouvri bih 3ayilti m3a cd e5ir 5arajtou zeda 9bel hetha theded fiya bih, nes hethom le dine le milla chkoune ya3raf ech ynejmou y3mlou il wehid dima ycouvri rouhou, hsilou hmd rabbi m3aya w chedit 3lihom adilla b**h nil9a ha9i kif nichki, ema nhib nkemel nahkilkom w nhibkom tid3iw 3lihom m3aya b**h rabbi yhidhom w ba3adhom 3annes ili talba riz9ha bil hlel w bil 3ra9, w ye wilhom min rabbi yeklou fi 3ra9 ennes w yeklou fil hram houma w sgharhom , hasbiallah we ni3ma il wekil fihom, haya nkemlou

ba3d me hketli 9isit rajilha w sgharha, il mara hethi jebithom ba7theya w kif il 3ada s5ift aliha w ala sgharha w fri7t bihom w me 5alit me 3melt m3aha w m3a sgharha w wellit n7awil m3a 3amik il 9aleb b**h yrja3 mraytou w ylim wledou, weni me fibelich bili newiwhouli, si 3amik errajil mechi jey li toilette weni toiletti fi bit ennoum w 3andi toilette fi rc n9olhom aliha yghaflouni w youd5lou lil bit, da5il 5arij da5il 5arij line 9oltilha ye5i chbih rajlik mridh bissoukor, w houwa si w5ayna youd5oul lbit ennom yberbech 3al flous w dhab w hiya tibda tlehi fiya w hez me hez weni me jenich il bele fema nes heka w me fo9tich kene baaaa3d😢 ba3d me zed 9libni fi stock dbech ......😭

Hay nkemlilkom lahkeya, lella w si il 9aleb rajilha til3ou 3andhom zoze nawarat bneya w wlid mleyka trabi fihom wahda 9arhmena, 3amithom, si il 9aleb hatitha lehiya b boutique dbech w accessoirat w maquillage www yi9lib il 3bed w yisra9hom w yjibilha tbi3 fil boutique, hasilou eni wahda mi barcha dha7aya 9alibhom, hsolt allah ghalib tawa nahkilkom kifch ........

Haya heni b**h nzid nahkilkom, lella ba3d me 3arfitna b si 5atibha wahna 3ala niyitna 9olnelhom rabi yhenikom, tji nhar w tahkili hadra o5ra , 3ammik errajil yitla3 sahibha 3aycha m3ah w m3a elf ghirou fil hram, 5idmitha wila n9oulou ahna hethi 5idma mil 5dim ila ti5dim fihom, tjini tibkili rajilha hajirha wila hiya hajritou wila allahou a3lem il mouhim rajilha mezelit 3ala thimtou me tala9hech w ya3rafha fech ta3mel w apparemment houwa mchaja3ha haw tawa nzid nfahamkom ....

Aya nibdelkom il 7keya, lili me ya3rafnich ena bac+5, chedit eddar nrabi sghari, hasilou n3awen fi rouhi ni5dim 5ayata w henna w harkous w w w, hel mra ila 9oltilkom aliha jet ta3mel fi retouch le dbech, mara fi mara wellet dima tji titsebbeb bi retouche wellet haw 9hiwa haw toftor haw tit3acha.... lsene hlou w me na7kilkomch. Jebit m3aha mara wahid9alitilna 5atibha frihnelhom w t3achew w 9omna m3ahom bakthar mil wejib, hasilou ba3d periode tjini lella ta7kili hadra o5ra w hiya tibki w tsa5af line beketni m3aha wlh, taw nahkilkom ech hket .....